عيني عليك ..الشاعر نور الحمصاني

عيني عليك
عيني عليك يا صبى من ذلة الأيام
صغير وأداه ربنا الصبر أنه ينام
مكتوب عليه الشقا
واللف والدوران
وما فى غير صوت البكا
وما فى غير صوت البكاومشي كمان حفيان
ذليل عشان لقمته
مين ينصفك يا حرام
وفين تمن رميتك
والعدل والإحسان
مش ده كلام ربنا
الكل أتخلق إنسان
ليه الفقير أتنسي
مش له نصيب ف المال
ده الزرع يطرح بركه
لو فيه نصيب آيتام
والمال دايما بيزيد
لو ساعدت بيه انسان
فين الفاروق عمر
واللي عمله زمان
شيل الدقيق بالليل
وخوفه من الرحمن
انظر بعينك ياجدع
وآخرتك ما راح يفيد المال
لو كان حداك المال
خليك كمان إنسان
وأعمل حساب أخرتك
وأكفل يتيم غلبان
هتسوي ايه دنيتك
لو نمت يوم جوعان
فكر فيها بقلب
قوم تاجر مع الرحمن
تنول رضا ربنا
وتصاحب العدنان
وتسكن كمان جنته
وتكون مع الابرار
بقلمى وقلبي
نور الحمصاني