شيال الحمول .. بقلمى سماح ابراهيم

شيال الحمول وبشيل
ولا قولت الحمل تقيل
حطانى ليه فى الحسبان
وانا مليش فيكى مكان
كتابانى جوه الاحزان
وسطورك مر وحرمان
وطريق مسدود ولاله بيبان
يادنيا غدارة ملكيش امان
بذنب مين بتحاسبينى
ولا جيتى مرة صاحبتينى
طب اقولك ايه
وف غربتك خديتى سنينى
وهان عذابى وانينى
دنا مش متمسك بيكى
ولا ليا غالى عليه ابكيكى
ده كلهم طلعو مقالب
والهجر فى طبعهم غالب
حتى إللى كانو من ناسي
كان ودهم كله مقاسي
ولا صانو مره احساسي
وانتى احوالك غريبه
ما بتظلميش الا الطيبه
عايزه ايه هاتى من الاخر
عشان انا جبت الاخر
خلاص مفيش فيا مكان
مليانى ذل وحرمان
مش عايز منك حنية
بس انتى خلينى فى حالى
مستنى اخر مواللى