(الوقت فات)
كلام كلام
نحكى فى كلام طول الزمن
بمعانى حلوه مزوقه
ونغمه حلوة مروقه
وكمان كلام
مشحون مرار مليان الم
وحكاوى باقيه فى النفوس
على اللى راح قبل المعاد
وخد معاه كل الساعات
والوقت فات
ونقول كلام شبه الكلام
مليان عتاب مليان ملام
وكلمه مركونه هناك
عايشه السكات
والعمر فات
مخنوقه كانت كلمتى
جوه الحيطان
مقفوله كل البيبان
محبوسه ايوه دمعتى
حاسه انا بلوعتى
جوه اسوار وحدتى
وصوان كبير مليان بشر
ياخدوا العزا على الكلام
اللى اتخنق قبل الميلاد
والوقت فات
الوقت فات
مايسه
13 يناير 2019
هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص
ليست هناك تعليقات:
إرسال تعليق