( سنين عجاف )
حس القلم بسنين عجاف
ف خاف يسجل خطوته
كتب القلم حزن وألم
ولا حد سامع آنته
لما ابتليت بالألم
جف القلم عن بوحه
نشفت دموع العين
من كتر أحزاني
وبرضو دنيتي قاسية
مش عايزه تنساني
ومركبي مالت
من كتر مابيا
والهم زاد في الجوف
واتحركت فيا دقات تئن
وخوف من مصير محتوم
وغير معلوم خطاويا
وليالينا
كلها شوق لعمر وفات
بدون مانحس
شربنا طول حياتنا مر
وطعم الحياة علقم
وضرب الكفوف علم
من دنيا كلها ظلم
كل اللي فيها سراب
وسنين ضباب ومأثره فيا
عايش
وكأن دنيتي واقفه
كل الوشوش باهته
وضحكه معجونه
مكر وانانيه
وسنين كتيره
مليانه بحروفي
غناوي لوم وعتاب
ولما زاد الألم
جف القلم
وخاف يسجل خطوته
ابو رامى الاسواني
٢٤/٨/٢٠٢٠
هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص
ليست هناك تعليقات:
إرسال تعليق