ليكي أمي بقلمي // يسري مطاوع

ليكي أمي
*********
ليه اليأس ليه
والأمل لسة بقلوبنا
هنعيش ونفرح
مهما الفراق عذبنا
للأم شوق دايم
صحيح بعدها يتعبنا
ولكن روحها دايما
حوالينا تشهدنا
ادعيلها بالرحمة
وبأعلى جنة يسكنها
وافتكر ملامها
ولا ننسى وجودها
معاك أصرخ نعم
اشتقت ضحكتها
اشتقت الحنية منها
واشتقت لضمتها
يا أمي حنيتك
مالقيت وصفتها
كل البشر غدار
وتعبني قسوتها
مدي ايدك خديني
اشتقت لمستها
يا أمي مشتاقلك
أنت للدنيا طلتها
بعدك مفيش سعادة
ولا رحمة بكبوتها
مين زيك يداويني
وينورلي ظلمتها
اشتقت تمسحي راسي
ومن عنية دمعتها
حاولت اعيش مرتاح
والدنيا أنسى قسوتها
أتاريها كلها آلام
واحنا ضحيتها
راح اللي راح منها
وضاعت منا فرحتها
ومفيش غير الألم
والكل ضحيتها
تشوف ملايين فيها
الكل عبيد شهوتها
مفيش لا خلق ولادين
المهم ميتها وكسرتها
تعبت أداوي روحي
تعبت من غربتها
يامه كفاية بعادعني
تعبت من وحشتها
...........بقلمي // يسري مطاوع