(عبادة بن الصامت ) بقلم الشاعر محمود المزين

(عبادة بن الصامت )
كان وسط أهله نقيب
خرجوا لنصر حبيب
والوفد بيأيد

كان ليه مكان ونصيب
يبقى لحبيبه قريب
كان فى الحياة سيد
كان عنده عهد يهود
لكن اليهود نمرود
لحبيبنا بيبيت
لغى كل شىء موجود
سارع بفض عهود
وما خاف يكون ميت
سيدنا النبى خلاه
نقيب فى حزب الله
ما أجمل النعمة
طوبى له وبشراه
غالب يا حزب الله
وحزب اليهود أعمى
ونروح على فلسطين
كل البشر شاهدين
لمعاوية بيعادى
عمره ما خاف فى الدين
ولا همه ايه ولا مين
تربية الهادى
لما الصراع كان زاد
هجره وسابله بلاد
ورحل إلى الوالى
ما فرق معاه الزاد
ولا مأكولات وجياد
ما يخاف غير العالى
سيدنا عمر حياه
بمقولة فيها حياة
والعين كانت تدمع
قد نال قبح الله
أرضا تركت ثراه
يا عبادة راح ترجع
وخط لمعاوية جواب
لا إمرة للأحباب
فلتتركه فى حاله
فى الرملة يطوى تراب
جسم من الأصحاب
فطوبى وهنياله
#محمود_المزين