*** ياك أنت هو صاحبي ؟***
ما دقيت فبابك
ولا قريت بحسابك
سلمتي و رديت سلامك
كلمتيني و سمعت كلامك
كاتبتيني و قريت كتابك
حييتيني و خديت صوابك
عرفتيني بهلك و حبابك
و شرفتيني بقرانك و صحابك
باين عليك تغربتي كتير فحياتك
و تمحنتي و تعبتي بزاف فيامك
عشك بنيتيه حجرة و طوبة بدراعك
كنتي معايا صريح فصيح فكلامك
شحال تعلمتي من كل ما فاتك
حتى نبت فيك الشيب، و ما تمتعتي بشبابك
نشكي ليك همومي، و تحكي لي آش دار بيك زمانك
تعاتبني و نقبل عتابك
لمواج لي داتني و جابتني ما خلاتك
هكذا نبغيك يا صاحبي بسلامتك
تفهمني فالحين، و عينيك قدامك
بسيط و رزين و مرتب، سعداتك
متواضع فعيشتك و مرتاح، فرحاتك
أنيق و مبتسم، و يعجبني بسطك و تقشابك
يا صاحبي ما ولداتك مي، غير ربي لي جابك
امحمد باشا... المملكة المغربية...18\08\2017
هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص
ليست هناك تعليقات:
إرسال تعليق